Hiru egunez Getxoko Eskulangintza Azoka artisautzaren askotariko erakusleiho bihurtzen da eta bisitariek esparruko 80 standetan jarriko diren 20 artisautza-espezialitateko gaiak ezagutzeko eta eskuratzeko aukera izango dute.

Ohikoa den legez, parte hartuko duten mota askotako artisauek eskaintza zabala eta interesgarria ziurtatzen dute. Aurten, besteak beste, larrua, plastilina, ehuna, origami, jostailuak, grabatua eta sakingintza ezagutzeko eta lantzeko aukera izango dute gaztetxoek. Halaber zuzenean eginiko erakustaldiak ere izango dira eta horietan ahungintza, beira eta egurrezko tailuak izango dira protagonistak.

Stand- eta diseinu-lehiaketek eta erosleen artean egingo den produktu-sorten zozketak osatuko dute Azokaren proposamena, artisautza-lanera hurbilduko gaituena eta objektu paregabeak eskuratzeko aukera eskaintzen diguna.